高舉這面殖民旗幟並不代表示威者希望把香港再次被英國統治，更大的是一種抗爭符號，表達對現狀的不滿。 ╴BBC

維城士多早期熱賣商品，自本土運動開始，英殖香港旗多次出現在香港示威場面，2019年7月1號示威者攻入立法會內，更高掛在香港立法會大樓議事廳之中。

1997年「回歸」之後，呢對旗本來已經成為歷史。但隨住港中之間嘅民族矛盾越來越大後，英殖香港旗喺2010年代翻生，諷刺當權者新不如舊，成功刺激中國人民族恥辱嘅痛苦，甚至象徵埋本土抗爭意識。英殖香港旗開始出現喺七一遊行，反水貨客，反自由行驅蝗等嘅示威場面，喺2013年，港獨組織「香港人優先」更加拎住枝旗行入去中環解放軍軍營。

2019年7月1號，示威者仲將枝旗掛喺立法會主席台前，引起大量國際媒體關注。另一方面，英殖香港旗仍然有唔少經歷過殖民地時期，親英，崇英嘅香港人用嚟懷緬英國統治，代表佢哋「英藉香港人」嘅身份認同。

佢哋用途同示威者用途背後嘅政治意義非完全一樣。有一段時間，本土派曾經以英殖香港旗作為爭取港獨嘅象徵，造成「一旗多義」、「一旗各表」嘅情況。

2019年，反送中示威者終於有達成共識嘅旗幟—光復旗同獨立旗嘅出現，令往後英殖香港旗喺示威場面出場次數逐漸下降。因此舉港英旗唔一定等同支持本土派以至港獨派，亦唔一定等同懷緬港英統治，對英國有情意結，喺救生艇計劃之下，英殖香港旗嘅象徵意義或者會再度延伸。

隨著反政府運動不斷發展，示威現場開始聽到越來越多人喊「光復香港，時代革命」。有左膠因而用自己的小腦袋隨意解讀，謂這些高呼光復之人，是想「光復」英殖時代。如果欠缺政治想像力，就會照字面去解讀「光復」。「光復」在理論上是「恢復」過去的東西，但香港可以追溯的過去，就只有英國殖民時期。所以「光復香港」自然可被粗暴解讀為「要求恢復殖民統治」。但我想香港大部份人都不是回望過去，喊出「光復」的時候，那反過來是一種展望將來的情感。香港人要restore的不是英國，而是要restore香港形而上的國體，那條隱秘而宛延的河，既不是大清，也不是英國，而是未曾實現過的自主。

（宛延之河—「光復香港」是想光復甚麼？ －盧斯達）

‍

HISTORY

英殖香港旗（1959年-1997年）同好多其他地方嘅英國海外領土一樣，都係以英國藍船旗為底，再配以香港紋章。日佔香港時期，香港郵政司榮鐘士，喺赤柱集中營入面，構想出香港紋章。香港重光後，一九四七年三月，個設計去咗港督楊慕琦手上，楊慕琦認爲無必要，所以冇採用。轉眼十年後，一九五〇年代，改紋章一事重提，港督柏立基認為紋章可取，將草圖交到英國紋章院修改。一九五九年一月廿一號，正式頒布香港紋章。

‍