1959年至1997年代表香港嘅旗。

1997年「回歸」之後，呢對旗本來已經成為歷史。但隨住港中之間嘅民族矛盾越來越大後，英殖香港旗喺2010年代翻生，諷刺當權者新不如舊，成功刺激中國人民族恥辱嘅痛苦，甚至象徵埋本土抗爭意識。英殖香港旗開始出現喺七一遊行，反水貨客，反自由行驅蝗等嘅示威場面，喺2013年，港獨組織「香港人優先」更加拎住枝旗行入去中環解放軍軍營。

2019年7月1號，示威者仲將枝旗掛喺立法會主席台前，引起大量國際媒體關注。另一方面，英殖香港旗仍然有唔少經歷過殖民地時期，親英，崇英嘅香港人用嚟懷緬英國統治，代表佢哋「英藉香港人」嘅身份認同。

佢哋用途同示威者用途背後嘅政治意義非完全一樣。有一段時間，本土派曾經以英殖香港旗作為爭取港獨嘅象徵，造成「一旗多義」、「一旗各表」嘅情況。

2019年，反送中示威者終於有達成共識嘅旗幟—光復旗同獨立旗嘅出現，令往後英殖香港旗喺示威場面出場次數逐漸下降。

因此舉港英旗唔一定等同支持本土派以至港獨派，亦唔一定等同懷緬港英統治，對英國有情意結，喺救生艇計劃之下，英殖香港旗嘅象徵意義或者會再度延伸。
‍

高舉這面殖民旗幟並不代表示威者希望把香港再次被英國統治，更大的是一種抗爭符號，表達對現狀的不滿。 ╴BBC